அன்பர்களே, 

ஒரு வழியா மாதிரிமங்கலம் நமது பெருமாள் ஆலய இந்த ஆண்டிற்கான ஆண்டு விழா பத்திரிகை பிரிண்ட் ஆகி வந்து விட்டது. 

சற்று கவலையும், பயமும், சந்தோஷமும் கலந்தேதான் மனோநிலை உள்ளது. எந்த பெரியவர்களின் ஆசியோ, எந்த ஜென்ம புண்ணியமோ கடந்த 2005ம் ஆண்டு முதல் இந்த ஆலய திருபநியினில் ஈடுபட்டு, பல அன்பர்களை நாடி, அவர்களின் உதவியினாலும், பெருமாளின் திருவருளினாலும் 2007ம் ஆண்டு மஹா சம்ப்ரோக்ஷணம் நடைபெற்றது நாம் அனைவரும் அறிந்ததே. அது முதற்கொண்டு ஆலய நிர்வாகத்திலும், மாதாந்திர நிகழ்சிகளிலும், வருடாந்திர அபிஷேகம், பவித்ரோத்சவம், வைகுண்ட ஏகாதசி போன்ற வைபவங்களிலும் நமது பங்களிப்பு பெரிதளவில் உள்ளது.

இந்த வருட ஆண்டுவிழாவானது வருகின்ற ஆகஸ்ட் 25 ஞாயிறு மற்றும் 26 திங்கள் என இரு தினமாக கொண்டாடப்பட உள்ளது. இந்த இரண்டு நாட்களில் மூன்று விதமான நற்பணிகள் நடந்தேற வேண்டும்,

1. ஆகம ரீதியில் பெருமாள் ஆலய ஆண்டு விழா.

2. அன்று மாலை நடைபெறும் இறைவனின் திருமண வைபவ சமயத்தில் மாதிரிமங்கலம் அளவில் 10 த் மற்றும் 12 த் இல் முதல் மூன்று இடத்தினை பிடித்த மாணவர்களை கௌரவித்து பாராட்டி பரிசினை வழங்க வேண்டும், இதை நினைத்தால் சற்று கவலையாகத்தான் உள்ளது. சரியான நபரை பரிசு சென்று அடைய வேண்டுமே என்று, அதுவும் இல்லாமல் இது நாம் ஆரம்பிக்கும் முதல் சமுதாய சேவை மாதிரிமங்கலத்தில். யார் மனமும் கோணாமல் நடை பெற வேண்டும்.

3. நமது ஊரின் மூத்த குடிமகனும் பலருக்கும் பிதாமகர் பீஷ்மரை போன்றவருமான பிரம்ம ஸ்ரீ ராமமூர்த்தி சாஸ்த்ரிகளாலும், பிரம ஸ்ரீ ஜெயராம மாமாவினாலும் 35 வருடங்களுக்கும் முன்பு நடப்பட்டு பரமரிக்கபட்டும் வருபவையான அரசு வேம்பு மரங்களிற்கு வேதோக்தமமாக மகரிஷிகள் கூறிய வண்ணம் "இஷ்டா பூர்த தர்மம்" என்று சாஸ்திரங்களால் வர்நிக்கபடுபவையான பிரதிஷ்டை, நாமகரணம், உபநயனம், உத்வாஹம்(திருமணம்), நிகழ்சிகள் நடை பெற வேண்டும்.

இந்நிகழ்ச்சிகள் எதிலும் மற்றவர் மனம் கோனா வண்ணம் நடை பெற வேண்டும் என்பது முக்கியமான விஷயம். இதற்குள் பெருமாள் ஆலய தரையானது பளிங்கு கற்களால் அலங்கரிக்க பட்டிருக்க வேண்டும்.

ஹ்ம்ம் சற்று மலைபாகவே உள்ளது இவைகளை நினைக்கும் பொழுது. ஆனால் எல்லாம் வல்ல ஆண்டவனின் கிருபையும், ஊர் மக்களின் ஒத்துழைப்பும், என் மீது காரணமே இல்லாமல் என் மாணவர்கள் வைத்துள்ள அன்பும் இவை அனைத்தையும் நன்றே நடத்தி கொடுக்கும் என்ற நம்பிக்கை உள்ளது.